اسلام آباد ( اے بی این نیوز       )سپریم کورٹ نے ملٹری ٹرائل انٹرا کورٹ اپیلوں کا تفصیلی فیصلہ جاری کردیا۔ جسٹس امین الدین خان نے 68 صفحات پر مشتمل فیصلہ تحریر کیا۔
جسٹس محمد علی مظہر نے 47 صفحات کا اضافی نوٹ لکھا۔
دو ججز نے اختلافی نوٹ تحریر کیا، باقی ججز نے اتفاق کیا۔ ملٹری کورٹ کے سزا یافتہ ملزمان کو اپیل کا حق دینے کا حکم۔ اپیل کا حق دینے کیلئے حکومت کو 45 دن میں قانون سازی کی ہدایت۔ فیصلہ کے مطابق
مناسب آئینی ردعمل آرمی ایکٹ کی دفعات کو یکسر کالعدم کرنا نہیں۔ آرمی ایکٹ میں بنیادی ضابطہ موجود مگر عام شہریوں کیلئے مناسب اپیل فورم کا فقدان ہے۔ سزایافتہ شہریوں کیلئے ہائیکورٹس میں اپیل کیلئے قانون سازی کو پورا کیا جانا چاہیے۔
کیس کے دوران اٹارنی جنرل نے کئی بار حق اپیل پر حکومتی ہدایات کیلئے وقت لیا۔ پانچ مئی کو آخری سماعت پر بھی اٹارنی جنرل نے ایسا ہی کہا۔ اٹارنی جنرل نے کہا عدالت ہدایت دے تو پارلیمنٹ میں قانون سازی ہو سکتی ہے۔
اٹارنی جنرل نے کہا عدالتی حکم کو سنجیدگی سے لیا جائے گا۔

مزید پڑھیں :سابق وزیر انتقال کر گئے