اسلام آباد(اے بی این نیوز)اسلام آباد ہائیکورٹ نے چیرمین پی ٹی اے کو عہدے پر بحال کر دیا۔چیئرمین پی ٹی اےکو عہدے سے ہٹانے کےفیصلے کے خلاف اپیل پراسلام آباد ہائیکورٹ میں سماعت ہوئی، اپیل پر سماعت جسٹس محمد آصف اور جسٹس انعام امین منہاس نے کی۔
سماعت کےآغازپرمیجر جنرل ریٹائرڈحفیظ الرحمان کےوکیل قاسم ودود نےدلائل دیتے ہوئے سوال اٹھایا کہ بطورممبر پی ٹی اے تعیناتی نہیں ہوسکتی تھی،درخواست میں مؤقف اختیارکیا گیا کہ آسامی غلط مشتہر کی گئی تھی،رولز تبدیل ہوگئے تھے، کابینہ کی منظوری دینے کے بعد تعیناتی ہوئی،مارچ کو رولز تبدیل ہوچکے تھے جس کے بعد پٹیشن دائر کی گئی۔
اسلام آباد ہائیکورٹ کے 2 رکنی بینچ نےسنگل بینچ کا فیصلہ معطل کردیا،عدالت نے سنگل بینچ کا فیصلہ معطل کرتے ہوئے چیرمین پی ٹی اے کو عہدے پر بحال کردیا۔یاد رہے کہ گزشتہ روز جسٹس بابر ستار نے چیئرمین پاکستان ٹیلی کمیونی کیشن اتھارٹی کے خلاف درخواست منظور کرتے ہوئے ان کو عہدے سے ہٹانے کا فیصلہ سنایا تھا۔
اسلام آباد ہائیکورٹ نےجسٹس بابرستار نے 99 صفحات پر مشتمل محفوظ فیصلہ جاری کیا تھا جس میں کہا گیا تھا کہ چیئرمین پی ٹی اے کی تعیناتی قانونی طور پر درست نہیں، اس لیے انہیں فوری طور پر عہدے سے ہٹایا جائے۔
مزید پڑھیں: بلوچستان میں سکیورٹی فورسز کی کارروائی ،4 بھارتی سرپرستی یافتہ دہشتگرد ہلاک
