دبئی (اے بی این نیوز)ایشیا کپ 2025 کا سب سے بڑا پاک بھارت ٹاکرا آج ہوگا جس کے حوالے سے قیاس آرائیاں اور تجزیے جاری ہیں، کہا جا رہا ہے کہ پہلے باؤلنگ کرنیوالی ٹیم میچ جیت جائے گی۔

بھارت کو ایونٹ جیتنے کے لئےفیورٹ قرار دیا جارہا ہے تو وہیں دوسری جانب پاکستان سہ فریقی سیریز کے فائنل اور ایشیا کپ کے پہلے میچ میں بھاری مارجن سے فتح حاصل کرکے شہ سرخیوں میں ہے۔

دونوں ٹیموں کے درمیان 2014 سے اب تک کھیلے گئے آخری آٹھ میچز میں سے سات میں پہلے بولنگ کرنے والی ٹیم نے فتح حاصل کی ہے۔

پاکستان اور بھارت کے درمیان دبئی میں تین ٹی ٹونٹی میچز کھیلے گئے اور تینوں میں ہی پہلے بولنگ کرنے والی ٹیم فاتح رہی۔ پاکستان نے 2021 کے ٹی ٹونٹی ورلڈکپ میں 10 وکٹ اور ایشیا کپ 2022 میں پانچ وکٹ سے فتح حاصل کی تھی۔ امکان ہے کہ آج کے میچ میں بھی ٹاس میچ کے نتیجے میں اہم کردار ادا کریگا۔
مزید پڑھیں: ایشیا کپ ،پاک بھار ت ٹاکرا،گودی میڈیا کا بائیکاٹ پر زور