کھٹمنڈو ( اے بی این نیوز ) نیپال میں سیاسی بحران کے بعد سابق چیف جسٹس سُشیلا کارکی کو عبوری وزیراعظم منتخب کر لیا گیا ہے۔

یہ فیصلہ شدید احتجاجات کے فوراً بعد آیا، جن کی وجہ سے وزیر اعظم کے پی شرما اولی نے عہدہ چھوڑ دیا تھا۔

سُشیلا کارکی نیپال کی پہلی خاتون چیف جسٹس رہ چکی ہیں (2016-2017) اور اپنی سخت موقف، ایچھی شفافیت اور بدعنوانی کے خلاف آواز اٹھانے کی وجہ سے معروف ہیں۔

احتجاجاتی تحریک ’Gen Z‘ نے انہیں عبوری حکومت کی قیادت کے لیے سب سے موزوں نام قرار دیا، اور صدر رام چندرا پاؤڈل نے اس ضمن میں قانونی مشورے اور اداروں سے تفصیلی گفت و شنید کے بعد ان کی منظوری دی۔

اس عبوری دور کا مقصد سیاسی استحکام بحال کرنا، پارلیمنٹ اور انتظامی امور کو معمول پر لانا اور آئندہ انتخابات کی راہ ہموار کرنا ہے۔
مزید پڑھیں :بے نظیر انکم سپورٹ پروگرام اپنی مفت رجسٹریشن کرائیں،10,500 سے 13,500 تک حاصل کریں ،جا نئے تفصیلات