لاہور(اے بی این نیوز)نیشنل سائبر کرائم انویسٹی گیشن ایجنسی (این سی سی آئی اے) لاہور زون نے معروف ٹک ٹاکر رجب بٹ اور اقراء کنول کیخلاف مالیاتی اسکینڈل پر تحقیقات شروع کر دیں۔
ذرائع کے مطابق ملزمان کے خلاف آن لائن ٹریڈنگ اور جوا ایپس کے ذریعے فراڈ کی شکایات پر مقدمات کی انکوائری جاری ہے، یوٹوبر رجب بٹ اور ٹک ٹاکر اقرا ءکنول کو 9 ستمبر کو طلب کیا گیا ہے۔
این سی سی آئی اے کے مطابق ملزمان پر نوجوانوں کو آن لائن جوا ایپس میں سرمایہ کاری پر اکسانے اور سوشل میڈیا کے ذریعے آن لائن جوا انویسٹمنٹس کو پروموٹ کرنے کا الزام ہے۔
حکام کے مطابق رجب بٹ اور اقراء کنول نے غیر رجسٹرڈ اور غیر لائسنس یافتہ ایپس میں سرمایہ کاری کی تشہیر کی ہے، رجب بٹ پر متاثرین کی محنت کی کمائی لوٹنے کی اسکیم ڈیزائن کرنے کا بھی الزام ہے۔
نیشنل سائبر کرائم انویسٹی گیشن ایجنسی کا کہنا ہے کہ 9ستمبر کو پیش نہ ہونے پر یکطرفہ کارروائی عمل میں لائی جا سکتی ہے۔
مزید پڑھیں:ہائیر نے لیورپول فٹ بال کلب اور پیرس سینٹ جرمین کے ساتھ فٹ بال کی دنیا میں نئی شراکت داری پر دستخط کردیئے
