اسلام آباد( اے بی این نیوز)فیڈرل بورڈ آف ریونیو (ایف بی آر) کی آڈٹ رپورٹ میں سپر ٹیکس کی مد میں 168 ارب روپے کی ٹیکس چوری کا انکشاف ہوا ہے۔
فیڈرل بورڈ آف ریونیو کی آڈٹ رپورٹ میں کہا گیا ہے کہ سال 2022 میں 150 ملین روپے سے زائد کی آمدن پر سپر ٹیکس لگایا گیا۔
رپورٹ کے مطابق2022 – 2024میں ایک ہزار چھبیس افراد نے سپر ٹیکس جمع نہیں کرایا اور 168 ارب روپے کا ٹیکس چوری کیا گیا۔
آڈٹ حکام کے مطابق ایف بی آر نے نہ تو کوئی قانونی کارروائی شروع کی اور نہ ہی کوئی کارروائی کی۔
حکام کے مطابق ایف بی آر کو اس بے ضابطگی اور ٹیکس چوری کے بارے میں فروری اور نومبر 2024 میں آگاہ کیا گیا تھا اور ایف بی آر کو جنوری 2025 میں قانونی کارروائی شروع کرنے کا کہا گیا تھا۔
آڈٹ حکام کے مطابق ایف بی آر نے اڑتالیس ملین روپے کی ریکوری کی ہے اور ایک اعشاریہ چورانوے ارب روپے کے نوٹس بھی بھیجے ہیں۔
فیڈرل بورڈ آف ریونیو نے جواب میں کہا ہے کہ 6 ارب 33 کروڑ روپے کی ریکوری کے کیسز عدالتوں میں ہیں، 160 ارب روپے کی ریکوری کے لیے کارروائی شروع کردی گئی ہے لیکن کوئی ریکوری نہیں ہوئی۔
آڈٹ حکام نے ایف بی آر سے ریکوری کی سفارش کرتے ہوئے تفصیلی جواب طلب کر لیا ہے۔
مزید پڑھیں:صرف ایک غذائی کمی اور یادداشت ہمیشہ کے لیے دھندلا سکتی ہے! خواتین ہوشیار ہو جائیں!
