اسلام آباد( اے بی این نیوز )مزید بارشیں آنے والی ہیں: این ڈی ایم اے نے تازہ ایڈوائزری جاری کر دی۔نیشنل ڈیزاسٹر مینجمنٹ اتھارٹی (این ڈی ایم اے) نے 18 اگست سے 22 اگست تک مختلف علاقوں کے لیے ایک تازہ ایڈوائزری جاری کی ہے، جس میں ملک بھر میں بارشوں کی نئی لہر کی پیش گوئی کی گئی ہے۔
ایڈوائزری کے مطابق خیبرپختونخوا کے سیلاب سے متاثرہ اضلاع بشمول چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، ہزارہ، سوازی، سوات کے علاقوں میں درمیانی سے موسلادھار بارش کا امکان ہے۔
این ڈی ایم اے کا کہنا ہے کہ گلگت بلتستان اور آزاد کشمیر میں 18 سے 22 اگست تک استور، اسکردو، ہنزہ، شگر، باغ، وادی نیلم، مظفر آباد اور ملحقہ علاقوں میں کہیں کہیں بارش ہوسکتی ہے۔
اسی طرح اسلام آباد، راولپنڈی، مری، گلیات، اٹک، چکوال، جہلم، میانوالی، حافظ آباد، سرگودھا، فیصل آباد، سیالکوٹ، نارووال، اوکاڑہ، لاہور، گوجرانوالہ، گجرات، ملتان، بہاولپور، بہاولنگر اور رحیم یار خان کے درمیان بھی درمیانے درجے سے موسلادھار بارش کا امکان ہے۔
ایڈوائزری کے مطابق سندھ میں سکھر، لاڑکانہ، جیکب آباد، خیرپور، کراچی، حیدرآباد، تھرپارکر، ٹھٹھہ، بدین، میرپورخاص اور گردونواح کے اضلاع میں 18 سے 20 اگست کے درمیان بارش کا امکان ہے۔
اسی دوران بلوچستان میں زیارت، قلات، مشکل، خضدار، آواران، بارکھان، سبی، جعفرآباد، ڈیرہ بگٹی اور گردونواح میں بھی بارش کی پیش گوئی کی گئی ہے۔
واضح رہے کہ حالیہ بادل پھٹنے اور طوفانی سیلاب نے خیبرپختونخوا کے مختلف اضلاع میں بڑے پیمانے پر تباہی مچائی ہے جب کہ مختلف حادثات میں ہلاکتوں کی تعداد 200 سے تجاوز کر گئی ہے۔
ملک میں جاری طوفانی بارشوں اور کلاؤڈ برسٹنگ کے پیش نظر پنجاب میں بھی الرٹ جاری ۔
صوبے بھر کے کمشنر ز وڈپٹی کمشنر کو ہائی الرٹ رہنے کے احکامات جاری۔ پی ڈی ایم اے کے مطابق
مون سون بارشوں کا نیا اسپیل شدیدہونے کا امکان ہے۔
دریاؤں،ندی نالوں اور نشیبی علاقوں کی 24 گھنٹے مانیٹرنگ کی جائے۔
مزید پڑھیں :پی ٹی آئی حکومت مذاکرات محض چا ئے کی پیالی میں طوفان،کون بنے گا اگلا وزیر اعظم،شاہ محمود کا کیام کردار ہوگا، اہم انکشافات
