ممبئی (  اے بی این نیوز     ) پولیس کپل شرما کو سیکیورٹی فراہم کر رہی ہے۔

بھارتی کامیڈین کپل شرما کو ممبئی پولیس نے سیکیورٹی فراہم کی ہے کیونکہ گزشتہ 1 ماہ میں کینیڈا میں ان کے کیفے میں فائرنگ کے دو واقعات ہوچکے ہیں۔

بھارتی میڈیا رپورٹس کے مطابق 43 سالہ کپل شرما نے رواں سال کے شروع میں کینیڈا میں غیر ملکی کاروباری منصوبے کے تحت کیپس کیفے کھولا۔

بھارتی کامیڈین کے کیفے کو 10 جولائی اور 7 اگست کو شوٹنگ کے واقعات میں نشانہ بنایا گیا تھا، جس میں کوئی بھی شخص زخمی نہیں ہوا تھا، تاہم پے درپے حملوں نے سنگین سیکیورٹی خدشات کو جنم دیا ہے۔

کینیڈین پولیس نے ابھی تک اس ادارے کا نام نہیں بتایا جس کو نشانہ بنایا گیا تاہم میڈیا رپورٹس میں کہا گیا ہے کہ حملے میں جس کیفے کو نشانہ بنایا گیا وہ کپل شرما کا ہے۔

کینیڈین پولیس فائرنگ کے دونوں واقعات کی تحقیقات کر رہی ہے، جو اس بات کا اندازہ لگا رہی ہے کہ آیا فائرنگ کا کسی بڑی مجرمانہ سرگرمی سے کوئی تعلق ہے۔

ذرائع کے مطابق کپل شرما شوٹنگ کے واقعات کے بعد سے مسلسل کینیڈین حکام سے رابطے میں ہیں اور تحقیقات میں مکمل تعاون کر رہے ہیں۔

ذرائع کے مطابق کیفے میں فائرنگ کے تازہ واقعے کے بعد پرتشدد حملوں میں اضافے کا خدشہ ہے، حکام تحقیقات کر رہے ہیں جب کہ آن لائن گینگ کے ملوث ہونے کی غیر مصدقہ اطلاعات بھی گردش کر رہی ہیں۔

مزید پڑھیں :مجید بریگیڈ اور بی ایل اے،امریکہ کی جانب سے بڑی خبر آگئی