ٹورنٹو (اے بی این نیوز) ہالی ووڈ اداکار اورلینڈو بلوم نے سابق منگیتر کیٹی پیری اور کینیڈا کے سابق وزیراعظم جسٹن ٹروڈو کے درمیان مبینہ ڈیٹنگ کی خبروں پر دلچسپ ردعمل دیا ہے۔
غیر ملکی میڈیا رپورٹس کے مطابق کیٹی پیری اور جسٹن ٹروڈو کے درمیان تعلقات کی افواہیں اس وقت شروع ہوئیں جب کیٹی پیری کو اورلینڈو بلوم سے علیحدگی کے چند ہفتے بعد کینیڈا میں مختلف مواقع پر جسٹن ٹروڈو کے ساتھ دیکھا گیا، جس میں مونٹریال میں ایک عشائیہ اور کیٹی کے کنسرٹ میں ٹروڈو کی شرکت بھی شامل تھی۔
اسی دوران ایک غیر ملکی ویب سائٹ دی انڈین نے ایک جعلی خبر شائع کی جس میں دعویٰ کیا گیا کہ اورلینڈو بلوم اب سابق جرمن چانسلر انجیلا مرکل سے ڈیٹنگ کر رہے ہیں۔ شائع شدہ مضمون میں رومانوی شام، سیپ، چاکلیٹ کیک اور مرکل کے لطیفوں کا ذکر کیا گیا تھا۔ اس کے ساتھ موم بتی کی روشنی میں رات کا کھانا کھانے والے دونوں کی AI سے تیار کردہ تصویر بھی تھی۔
بلوم نے مذکورہ ویب سائٹ کی خبروں پر دفاعی ردعمل ظاہر کرنے کے بجائے تبصروں میں صرف تین تالیاں بجانے والی ایموجیز پوسٹ کیں، جس سے یہ مذاق بن گیا۔ واضح رہے کہ بلوم اور پیری نے جولائی میں علیحدگی کی تصدیق کی تھی جب کہ جسٹن ٹروڈو نے بھی گزشتہ سال اپنی اہلیہ سے علیحدگی اختیار کی تھی۔
مزید پڑھیں: اسٹار بلے باز فخر زمان ویسٹ انڈیز کیخلاف سیریز سے باہر ہوگئے
