اسلام آباد (اے بی این نیوز)پاکستان تحریک انصاف کے رہنما عامر ڈوگر نے ایک اہم بیان دیتے ہوئے انکشاف کیا ہے کہ اگست کے مہینے میں پی ٹی آئی ایک بڑی سیاسی سرگرمی کا انعقاد کرنے جارہی ہے، جسے وہ بڑا دنگل ” قرار دے رہے ہیں۔ ان کے مطابق پارٹی کو مختلف ہتھکنڈوں کے ذریعے دبانے کی کوششیں کی جا رہی ہیں، لیکن کارکنان اور قیادت کسی بھی قسم کی فسطائیت کے آگے جھکنے کے لیے تیار نہیں۔
عامر ڈوگر نے پرعزم انداز میں کہا کہ تحریک انصاف اپنے نظریے اور عوامی طاقت سے ہر قسم کی رکاوٹ کو شکست دے گی۔ انہوں نے واضح کیا کہ جب تک پارٹی کے بانی اور چیئرمین کو رہا نہیں کیا جاتا، پرامن احتجاج اور جمہوری جدوجہد کا سفر جاری رہے گا۔ ان کا کہنا تھا کہ پارٹی پہلے سے زیادہ منظم، پرجوش اور حوصلہ مند ہے، اور عوامی حمایت میں بھی مسلسل اضافہ ہو رہا ہے۔
یہ بیان ایک ایسے وقت میں سامنے آیا ہے جب ملک میں سیاسی درجہ حرارت مسلسل بڑھ رہا ہے، اور عوام کی نظریں اگست کی ممکنہ سیاسی ہلچل پر جمی ہوئی ہیں۔ سوشل میڈیا پر بھی اس اعلان نے تیزی سے توجہ حاصل کی ہے
مزید پڑھیں :سونے کی فی تولہ قیمت میں 1100 روپے کا اضافہ
