فرانس (اے بی این نیوز)فرانسیسی اہلکار کا کہنا ہے کہ پاکستان نے رافیل طیارہ مار گرایا ،حکام مزید نقصانات کا جائزہ لے رہے ہیں۔ پیرس میں سی این این کوفرانس کے ایک اعلیٰ انٹیلی جنس اہلکار نے بتایا کہ ہندوستانی فضائیہ کے زیر انتظام ایک رافیل لڑاکا طیارہ پاکستان نے مار گرایا ، جس میں پہلی بار یہ ہوگا کہ فرانسیسی ساختہ جدید ترین جنگی طیاروں میں سے ایک لڑائی میں ضائع ہوا ہے۔

پاکستان نے دعویٰ کیا تھا کہ اس نے بھارتی حملوں کے جواب میں بھارتی فضائیہ کے پانچ طیاروں کو مار گرایا ہے، جن میں تین رافیل بھی شامل ہیں۔ بھارتی حکام نے ابھی تک اس دعوے کا جواب نہیں دیا ہے۔فرانسیسی اہلکار نے سی این این کو بتایا کہ فرانسیسی حکام اس بات کا جائزہ لے رہے ہیں کہ آیا پاکستان نے راتوں رات ایک سے زیادہ رافیل طیارے مار گرائے ہیں۔

ہندوستان کے زیر انتظام کشمیر میں گر کر تباہ ہونے والے طیارے کے پرزوں کی لی گئی تصاویر میں فرانسیسی صنعت کار کا لیبل دکھایا گیا ہے۔ جیٹ بنانے والی فرانسیسی کمپنی ڈسالٹ ایوی ایشن نے سی این این کی جانب سے تبصرہ کرنے کی درخواستوں کا جواب نہیں دیا۔فرانسیسی فوج نے اس واقعے پر سرکاری طور پر کوئی تبصرہ نہیں کیا ہے۔

مزید پڑھیں :بھارت نے جو غلطی کی اس کا خمیازہ اس کو بھگتنا پڑے گا ،وہ سمجھ رہا تھا ہم پیچھے ہٹ جائیں گے،خون کے آخری قطرے تک لڑینگے،وزیر اعظم