اسلام آباد ( اے بی این نیوز )اسلام آباد پولیس کی خود احتسابی ۔فرائض کی انجام دہی میں غفلت اور اختیارات سے تجاوز اور جرائم کو کنٹرول نہ کرنے پر ایک سب انسپکٹر ایک ہیڈ کانسٹیبل نوکری سے برخاست ۔جرائم کنٹرول نہ کرنے پر بارہ تھانوں کے ایس ایچ اوز کی ایک ایک سال سروس ضبط کی گئی۔
دو تھانوں محرروں کو ایک ایک سال سروس ضبطی کی سزائیں۔ نوکری سے برخاست ہونے والوں میں اسپیشل سیکچول افنس انوسٹیگیشنز یونٹ(SSOIU) رورل زون میں تعینات سب انسپکٹر محمد فاروق اور تھانہ شہزاد ٹاؤن کے سابقہ محرر یوسف حسین شامل ہیں ۔
ایک ایک سال سروس ضبطی کی سزاء پانے والوں میں ایس ایچ او تھانہ نیلور محمد حنیف،ایس ایچ او تھانہ لوہی بھیر سہیل اشرف۔ شامل ہیں ،ایس ایچ او تھانہ ہمک عمران منیر،ایس ایچ او تھانہ آبپارہ عاصم غفار،ایس ایچ او تھانہ کراچی کمپنی نعیم الحسنین بھی ایک ایک سال ضبطگی کی سزا پانے والوں میں شامل ہیں
،ایس ایچ او تھانہ گولڑہ ناصر منظور ،ایس ایچ او تھانہ سمبل آصف علی ،ایس ایچ او تھانہ ترنول شوکت محمود،ایس ایچ او تھانہ بھاری کہو رفاقت حسین کو بھی ایک ایک سال سروس ضبطی کی سزا دی گئی۔ ایس ایچ او تھانہ شہزاد ٹاؤن شاہد زمان،ایس ایچ او تھانہ کھنہ ارشاد احمد،سابقہ ایس ایچ او تھانہ سہالہ ظفر اقبال کی بھی ایک ایک سال سروس ضبطکی گئی۔
ریکارڈ کی درست تکمیل نہ کرنے اور اختیارات کے ناجائز استعمال پر محرر تھانہ آبپارہ وسیم راجہ اور محرر تھانہ کھنہ محمد طیب کی بھی ایک ایک سال سروس ضبط کی گئی۔ ڈی آئی جی جواد طارق نے کہا کہ
اسلام آباد پولیس خود احتسابی پر عمل پیرا ہے۔ کوئی بھی شخص قانون سے بالا تر نہیں۔ جو بھی پولیس افسر اختیارات سے تجاوز اور ڈیوٹی میں غفلت برتے گا سخت قانونی و محکمانہ کارروائی کا سامنا کرنا پزے گا۔
مزید پڑھیں :عمران خان سے پارٹی رہنماؤں کی کل ملاقات کا دن،فہرست مرتب،جا نئے کون کون ملاقات کرے گا
