اسلام آباد ( اے بی این نیوز    )وزیراعظم شہبازشریف کا بجلی کی قیمتوں میں کمی کا اعلان ۔ ریلیف کے بعد اوسط فی یونٹ کمی کی تفصیلات سامنے آگئیں۔ گھریلو صارفین کیلئے بجلی کی قیمت میں 7روپے 65پیسے اوسط کمی کی گئی ۔
گھریلو صارفین کیلئے کمی کے بعد اوسط 31روپے 63پیسے فی یونٹ ہوگئی ۔ گھریلو صارفین کیلئے فی یونٹ بجلی کی اوسط قیمت 38روپے 34پیسے تھی ۔ کمرشل صارفین کیلئے کمی کے بعد اوسط قیمت 62روپے 47پیسے فی یونٹ ہوگی ۔
کمرشل صارفین کیلئے بجلی کی فی یونٹ اوسط قیمت 71روپے 6پیسے تھی ۔ صنعتوں کیلئے فی یونٹ 7روپے 79پیسے کی کمی کی گئی ۔ صنعتوں کیلئے کمی کے بعد فی یونٹ اوسط قیمت 41روپے 51پیسے ہوگئی ۔
صنعتوں کیلئے بجلی کی اوسط قیمت 48روپے 19پیسے تھی ۔
زرعی صارفین کیلئے 7روپے 18پیسے فی یونٹ اوسط کمی کی گئی ۔ زرعی صارفین کیلئے فی یونٹ اوسط قیمت 41روپے 76پیسے تھی۔

مزید پڑھیں :آئی سی سی نے پا کستان پر جرمانہ عائد کر دیا،وجہ جانئے کیوں