راولپنڈی(نیوزڈیسک)آرمی چیف جنرل عاصم منیرسے امریکی سینٹ کام جنرل ایرک کوریلا نے ملاقات کی جس میں علاقائی سلامتی پر تبادلہ خیال کیا گیا،امریکی جنرل نے دہشت گردی کے خلاف جنگ میں پاکستان کی کامیابیوں کااعتراف کیا۔جمعرات کو پاک فوج کے شعبہ تعلقات عامہ آئی ایس پی آر کے مطابق جنرل عاصم منیر نے کمانڈر امریکی سینٹ کام جنرل ایرک کوریلا کا جی ایچ کیو پہنچنے پر استقبال کیا، کمانڈر امریکی سینٹ کام نے یادگار شہدا پر پھول بھی رکھے۔آئی ایس پی آر کے مطابق ملاقات میں باہمی دلچسپی کے امور اور علاقائی سلامتی پر تبادلہ خیال کیا گیا، امریکی جنرل نے دہشت گردی کے خلاف جنگ میں پاکستان کی کامیابیوں کااعتراف کیا، پاک، امریکا مسلح افواج کے درمیان وفود کی سطح پر بات بھی ہوئی، مہمان نے علاقائی امن کے لیے پاکستان کے تعاون کا اعتراف بھی کیا۔ امریکی وفد آج طورخم بارڈر کا دورہ بھی کرے گا، وفد کو انسداد دہشتگردی اور پاک افغان سرحد پر بارڈر مینجمنٹ کےطریقہ کار سےآگاہ کیا جائے گا۔
![](https://abnnews.pk/wp-content/uploads/2024/09/parlilment-371x212.jpg)