شاہدرہ( اے بی این نیوز) لاہور کے قریب شاہدرہ میں گھریلو جھگڑے کی وجہ سے ایک نوعمر لڑکے نے پنکھے سے لٹک کر خودکشی کر لی۔مقتول کی شناخت اسامہ کے نام سے ہوئی جس کی عمر 17 سال تھی۔ واقعہ کی اطلاع ملتے ہی مقامی پولیس موقع پر پہنچ گئی اور جاں بحق شخص کی لاش کو تحویل میں لے کر مردہ خانے منتقل کر دیا۔پولیس نے جائے وقوعہ سے تمام دستیاب شواہد بھی اکٹھے کر لیے۔
پولیس ذرائع کا مزید کہنا ہے کہ خودکشی کی اصل وجہ لاش کے پوسٹ مارٹم کے بعد سامنے آئے گی۔مزید تفتیش جاری تھی۔اس سے قبل 14 فروری 2025 کو لاہور کے علاقے ہیر کے قریب عسکری الیون کے بی ٹو اپارٹمنٹس کی ساتویں منزل سے ایک لڑکی نے چھلانگ لگا کر خودکشی کر لی تھی۔
پولیس کے مطابق سمایا نامی لڑکی موقع پر ہی دم توڑ گئی۔ متوفی لڑکی بیدیاں روڈ پر واقع مہر ٹاؤن کی رہائشی تھی۔جنوری 2025 میں لاہور کے علاقے سبزہ زار میں عظیم نامی نوجوان نے زہریلی گولیاں کھا کر خودکشی کر لی تھی۔
واقعے کی اطلاع ملتے ہی پولیس کی بھاری نفری موقع پر پہنچ گئی اور نوجوان کو تشویشناک حالت میں جناح اسپتال منتقل کیا تاہم وہ بعد میں دم توڑ گیا۔ پولیس کا کہنا ہے کہ نوجوان کی عمر 30 سال تھی۔
مزید پڑھیں: ملک کے مختلف علاقوں میں گرج چمک کیساتھ مزید بارش کی پیشگوئی
