اسلام آباد(نیوز ڈیسک ) پاکستانیوں کو متحدہ عرب امارات (یو اے ای) کے ویزوں کے حصول میں شدید مشکلات کا سامنا ہے۔ مشکلات کی ایک وجہ متحدہ عرب امارات میں پاکستانیوں کی جانب سے جعلی دستاویزات جمع کرانے کی شکایات تھیں۔
حکومت پاکستان نے متحدہ عرب امارات کے تحفظات دور کرنے کے لیے بڑے اقدامات کرنے کا فیصلہ کیا ہے۔بتایا گیا ہے کہ تمام دستاویزات کی تصدیق کے لیے ون ونڈو آپریشن قائم کرنے کی تجویز پر غور کیا جا رہا ہے جس کا انتظام نادرا کرے گا۔
تعلیمی دستاویزات کی تصدیق آن لائن بھی کی جا سکتی ہے۔کیو آر کوڈ ڈپلومہ اور سرٹیفکیٹ پر رکھے جائیں گے تاکہ دستاویزات کی تصدیق میں آسانی ہو۔ متحدہ عرب امارات کی حکومت کو دستاویزات کی جعلی تصدیق پر اعتراض تھا۔ یو اے ای حکومت کو بھی اقدامات سے آگاہ کر دیا گیا ہے۔
مزید پڑھیں: سپریم کورٹ نے مارگلہ ہلز میں غیر قانونی تعمیرات سے متعلق رپورٹ طلب کر لی
