اسلام آباد ( اے بی این نیوز    )محکمہ موسمیات کی آج سے مختلف علاقوں میں بارش،پہاڑوں پر برفباری کی پیشگوئی۔ کوئٹہ،پشین،قلعہ سیف اللہ،ژوب،شیرانی میں آج سے بارش متوقع ہے۔
موسیٰ خیل،بارکھان ،زیارت،لورالائی اور ڈیرہ غازی خان میں بارش کا امکان ہے۔
گودار ،کیچ،پنجگور، آواران،قلات،خضداراور لسبیلہ میں بھی بارش کا امکان۔ آج شام سے2دسمبر تک وزیر ستان،کرم،مہمند،خیبر،چترال میں بارش ہو گی۔ دیر ،سوات ،ملاکنڈ،بونیر،شانگلہ،مانسہرہ،ایبٹ آباد،کوہستان،استور میں بارش متوقع ہے۔
غذر،گلگت، ہنزہ سکردو،آزاد کشمیر کے مختلف علاقوں میں بارش ،برفباری کا امکان۔ خطہ پوٹھوہار،مری،گلیات،اسلام آباد،میانوالی،بھکر اور لیہ میں ہلکی بارش کا امکان بتا یا گیا ہے۔

مزید پڑھیں :وفاق کے زیر انتظام تعلیمی اداروں میں ہفتہ کی چھٹی ختم،نوٹیفکیشن جاری