ٹیکسلا(نیو زڈیسک ) پاکستان تحریک انصاف (پی ٹی آئی) کے 24 نومبر کو ہونے والے پرتشدد واقعے کے خلاف پہلا مقدمہ ٹیکسلا تھانے میں درج کر لیا گیا ہے۔

سابق وزیراعظم اور پی ٹی آئی کے بانی عمران خان، سابق خاتون اول بشریٰ بی بی اور سابق صدر ڈاکٹر عارف علوی کو احتجاج کی ذمہ دار فریقین کے طور پر نامزد کیا گیا ہے۔اپوزیشن لیڈر عمر ایوب، وزیر اعلیٰ خیبرپختونخوا علی امین گنڈا پور، عمران خان کی بہن علیمہ خان، اور پی ٹی آئی رہنما اعظم سواتی کو بھی مدعا علیہ کے طور پر نامزد کیا گیا ہے، ان کے ساتھ 300 سے زائد مقامی رہنما اور کارکن بھی شامل ہیں۔

گزشتہ روز پی ٹی آئی کے مظاہرین کی متعدد مقامات پر پولیس اہلکاروں کے ساتھ جھڑپیں ہوئیں جب انہیں وفاقی دارالحکومت کی طرف مارچ کرنے سے روک دیا گیا۔اسلام آباد میں کھنہ پل کے قریب ایک متعلقہ واقعے میں مظاہرین کے پتھراؤ سے چھ پولیس اہلکار زخمی ہو گئے۔پی ٹی آئی نے عمران خان کی اڈیالہ جیل سے رہائی تک احتجاجی ریلی اور دھرنا دینے کا اعلان کیا ہے۔ مظاہرین کے قافلے کل سے اسلام آباد کی طرف جا رہے ہیں۔
مزید پڑھیں: ٹانک، پولیس چیک پوسٹ پر دہشتگردوں کا حملہ،5 اہلکار وں سمیت 7 افراد زخمی