واشنگٹن(نیوزڈیسک)امریکی صدارتی انتخابات میں تناؤ کے پیش نظر واشنگٹن میں سکیورٹی ہائی الرٹ کرتے ہوئے وائٹ ہاؤس کے ارد گرد 8 فٹ اونچی لوہے کی باڑ لگا دی گئی۔
واشنگٹن ڈی سی کی گلیوں میں پولیس اہلکار اور پولیس موبائلز گشت کر رہے ہیں ، کیپیٹل کی عمارت کے گرد بھی باڑ اور رکاوٹیں کھڑی کی گئی ہیں، اوریگن، پنسلوینیا اور کیلیفورنیا میں زیادہ سخت حفاظتی اقدامات کیے گئے ہیں۔
واضح رہے کہ پولنگ کے دوران ریاست جارجیا کی فلٹن کاؤنٹی کے 5 پولنگ اسٹیشنز پر بم کی افواہیں سامنے آئیں جس کے باعث دو مقامات سے ووٹرز کے انخلا پر ووٹنگ کے عمل میں تاخیر ہوئی۔حفاظتی اقدامات کا یہ سلسلہ سابق صدر ڈونلڈ ٹرمپ اور نائب صدر کملا ہیرس کے درمیان صدارتی انتخاب کی دوڑ کے موقع پر سامنے آیا ہے جس نے امریکہ میں گہری تقسیم کو بے نقاب کر دیا ہے اور تناؤ کو بڑھا دیا ہے۔
واشنگٹن پوسٹ نے رپورٹ کیا کہ خفیہ سروس نے وائٹ ہاؤس اور ہیرس کے گھر کے ارد گرد 8 فٹ اونچی دھات کی باڑ لگا دی ہے، حالانکہ حکام نے خبردار کیا تھا کہ اس وقت تشدد کا کوئی خاص خطرہ نہیں ہے۔
اخبار کے مطابق، دھات کی باڑ محکمہ خزانہ کے احاطے اور لافائیٹ اسکوائر کے ملحقہ حصوں کے ارد گرد بھی تھی جبکہ کیپیٹل کے ارد گرد عارضی طور پر بائیک ریک کی رکاوٹیں تھیں۔مبینہ طور پر فلوریڈا میں ویسٹ پام بیچ کنونشن سینٹر کے باہر جسمانی حفاظتی اقدامات بھی رکھے گئے ہیں۔
امریکی الیکشن ، انتظار کی گھڑیاں ختم،کملا ہیرس پر برتری ، ڈونلڈ ٹرمپ کی کامیابی کے امکانات روشن ہوگئے
