کراچی (نیوز ڈیسک )خیبرپختونخوا حکومت اور مسلم لیگ (ن) کی جانب سے ایئرلائن خریدنے میں دلچسپی ظاہر کرنے کے بعد کراچی کے تاجروں نے بھی پاکستان انٹرنیشنل ایئرلائنز (پی آئی اے) کو حاصل کرنے میں دلچسپی ظاہر کی ہے۔
ایک نجی نیوز چینل سے بات کرتے ہوئے گورنر سندھ کامران ٹیسوری نے کہا کہ کراچی کے تاجروں نے ان سے پی آئی اے کی نجکاری کے عمل کو آگے بڑھانے پر بات کی ہے۔کراچی کے تاجر چاہتے ہیں کہ ایک سال کے لیے پی آئی اے ان کے حوالے کر دیا جائے۔ وہ ایک نئی ایئرلائن شروع کرنے میں سنجیدہ ہیں،” گورنر سندھ نے کامران ٹیسوری کے مطابق، نئی ایئر لائن کا مجوزہ نام PK’ ہوگا، جو بالترتیب پاکستان اور کراچی کی نمائندگی کرے گا۔
مزید برآں، انہوں نے پنجاب حکومت کی جانب سے ایئر پنجاب کے نام سے ایئر لائن شروع کرنے کے ممکنہ منصوبے کا خیرمقدم کیا۔گورنر ٹیسوری کے مطابق نئی ایئر لائنز کے آغاز سے ملک میں ملازمتوں کے مواقع پیدا ہوں گے۔ان کا یہ بیان خیبرپختونخوا حکومت کی جانب سے پی آئی اے کی نجکاری کی بولی میں حصہ لینے میں دلچسپی ظاہر کرنے کے چند دن بعد سامنے آیا ہے۔تفصیلات کے مطابق کے پی انویسٹمنٹ بورڈ نے وفاقی وزیر برائے نجکاری عبدالعلیم خان کو خط لکھ کر بولی جمع کرانے کا ارادہ ظاہر کیا۔
ایک روز قبل پاکستان مسلم لیگ نواز (پی ایم ایل این) کے صدر نواز شریف نے کہا کہ وزیر اعلیٰ پنجاب مریم نواز نے انہیں پاکستان انٹرنیشنل ایئرلائنز (پی آئی اے) خریدنے اور اس کا نام ’ایئر پنجاب‘ کرنے کا مشورہ دیا۔ایک بیان میں نواز شریف نے کہا کہ ‘مریم نے مجھ سے مشورہ مانگا اور پوچھا کہ کیا ہمیں پی آئی اے کو ٹیک اوور کرکے اسے بالکل نئی ایئرلائن بنانا چاہیے۔
دریں اثنا، پی آئی اے کی نجکاری کے لیے حتمی بولی کے عمل میں قومی پرچم بردار کمپنی کے 60 فیصد حصص کے لیے 10 ارب روپے (36 ملین ڈالر) کی صرف ایک بولی دیکھی گئی۔حکومت نے جون میں چھ گروپوں کو پری کوالیفائی کیا تھا، لیکن صرف رئیل اسٹیٹ ڈویلپمنٹ کمپنی بلیو ورلڈ سٹی نے بولی کے عمل میں حصہ لیا، بولی لگائی جو حکومت کی مقرر کردہ کم از کم قیمت 85 ارب روپے سے کم تھی۔
مزید پڑھیں: وزیراعلیٰ پنجاب مریم نواز کی طبیعت خراب ،لندن روانگی ڈاکٹروں کی اجازت سے مشروط
