کراچی (نیوزڈیسک)نیشنل سیونگ سرٹیفکیٹ (این ایس سی) اسکیم پاکستانی حکومت نے دہائیوں قبل شروع کی تھی تاکہ طویل مدتی سرمایہ کاروں کو ان کی مالی ضروریات پوری کرنے میں مدد مل سکے۔

قومی بچت بینک یا نیشنل سیونگز 10 سالہ میچورٹی پلان پیش کرتا ہے تاکہ سرمایہ کار اپنی بچت پر زیادہ سے زیادہ فائدہ یا منافع حاصل کرسکے۔

قومی بچت یا قومی بچت بینک نے اکتوبر 2024 سے لاگو ہونے والے ڈی ایس سی سمیت مختلف سرمایہ کاری سرٹیفکیٹس کی نئی شرح منافع کا اعلان کیا ہے۔

نیشنل سیونگ سرٹیفکیٹ میں کون سرمایہ کاری کرسکتا ہے؟
پاکستانی شہری اور بیرون ملک مقیم پاکستانی دونوں ہی نیشنل سیونگ سرٹیفکیٹس میں سرمایہ کاری کر سکتے ہیں۔
ان سرٹیفکیٹس کی میچورٹی مدت 10 سال ہے اور یہ 500 روپے، 1,000 روپے، 5,000 روپے، 10,000 روپے، 50,000 روپے، 100,000 روپے، 500,000 روپے اور 1,000،000 روپے کی مالیت میں آتے ہیں۔

اکتوبر 2024: ڈیفنس سیونگ سرٹیفکیٹس منافع

ڈیفنس سیونگ سرٹیفکیٹس کے منافع کی شرح کو کم کرکے 12.51 فیصد کردیا گیا ہے جیسا کہ اس سے قبل پاکستان میں یہ شرح 13.57 فیصد تھی۔

ڈیفنس سیونگ سرٹیفکیٹس ٹیکس/ زکوٰۃ کی کٹوتی

اسٹیٹ بینک آف پاکستان کی پالیسی کے مطابق منافع پر ٹیکس اور زکوٰۃ کاٹی جاتی ہے اس کے علاوہ فائلرز کے لیے ود ہولڈنگ ٹیکس 15 فیصد جبکہ نان فیلڈرز کے لیے 30 فیصد مقرر کیا گیا ہے۔
اطالوی طیارہ بردار بحری جہاز پاکستان پہنچ گیا