کراچی(اسٹاف رپورٹر)ایکسچینج کمپنیر نے متفقہ طور پر ڈالر کی قیمت پر کیپ ختم کرنے کا فیصلہ کیاہے۔ چیئرمین ملک محمدبوستان نے کہا کہ کیپ لگانے سے ڈالر کاریٹ کم ہونے کے بجائے الٹا بڑھ گیا، مارکیٹ میں ڈالر دستیاب ہی نہیں ہے ،جس کی وجہ سے بلیک مارکیٹ وجود میں آگئی ۔ملک بوستان نے کہاکہ جن لوگوں کو ڈالر ضرورت ہوتی تھی وہ نہ ملنے کے سبب بلیک مارکیٹ میں جارے تھے ۔ملک بوستان نے کہا کہ ہم نے یہ فیصلہ کیا ہے کہ موجودہ حالات میں جو کیپ لگایا تھا کل سے اس کو ہٹا دیں گے ملک بوستان کامزیدکہناتھا کہ اس طرح کے اقدام سے بلیک مارکیٹ والی فورسز کا مقابلہ ہوسکے گا،ڈالر ملنا شروع ہوجائے گا تو بلیک مارکیٹ ختم ہوجائے گی ۔انکا کہنا تھا کہ ایکسچینج کمپنیر کو ڈالر کہیں سے نہیں مل رہا ہے ،ورکر ریمٹینس کا بھی نہیں مل رہا ہے ،ورکر ریمیٹنس کا جو بھی ڈالر ارہا ہے وہ سو فیصد اسٹیٹ بینک کو دے رے ہیں،جس کی وجہ سے کاونٹر سیل ختم ہوگئی ہے ۔ملک بوستان نے کہا کہ بلیک مارکیٹ میں دو دن میں ڈالر کا ریٹ 5 روپے بڑا ہے،مارکیٹ پر ہی ڈالر کو خرید کر فروخت کرنا چاہیے،انٹر بینک اور فری مارکیٹ میں جب ریٹ کا فرق ختم ہوجائے گا تو ریمیٹنس بڑے گی ۔ملک بوستان کا کہنا تھا کہ تین مہینے سے بیرون ملک سے انے والی رقم 3 ارب ڈالر سے کم ہوکر 2 ارب ڈالر رہ گئی ہے،20 سے 30 روپے کے فرق کے باعث حوالہ کرنے والے ڈالر باہر ہی خرید رہے ہیں۔
