لاہور( نیوز ڈیسک )اوکاڑہ یونیورسٹی کے قائم مقام وائس چانسلر ڈاکٹر جاوید اختر کی تقرری کو پیر کو لاہور ہائی کورٹ (ایل ایچ سی) میں چیلنج کر دیا گیا ہے۔تاہم عدالت نے ڈاکٹر جاوید اختر کو اوکاڑہ یونیورسٹی کے وائس چانسلر کے طور پر کام کرنے سے فوری طور پر روکنے کی استدعا مسترد کر دی۔
پیر کو سماعت کے دوران جسٹس عابد عزیز شیخ نے درخواست گزار اسسٹنٹ پروفیسر ڈاکٹر حامد مختار کو اپنی درخواست میں ترمیم کرنے کی ہدایت کی کیونکہ یہ قابل سماعت نہیں تھی۔یونیورسٹی آف اوکاڑہ کی جانب سے ملک اویس خالد ایڈووکیٹ عدالت میں پیش ہوئے۔
درخواست گزار کے وکیل نے عدالت کے روبرو دلائل دیتے ہوئے کہا کہ پرو وائس چانسلر کی موجودگی میں قائم مقام وائس چانسلر کا تقرر نہیں کیا جا سکتا۔یونیورسٹی آف اوکاڑہ کے لیگل ایڈوائزر ملک اویس ملک نے پٹیشن کو برقرار رکھنے پر اعتراض کرتے ہوئے کہا کہ درخواست گزار ڈاکٹر حامد مختار متاثرہ فریق نہیں ہیں۔انہوں نے یہ بھی کہا کہ پٹیشن میں پنجاب حکومت کو بھی مدعا نہیں بنایا گیا۔
مزید پڑھیں: خیبرپختونخوا کے ریاستی وسائل جلسے میں استعمال ہوئے: مسلم لیگ ن
