پشاور( اے بی این نیوز ) آئی ایس پی آر کے مطابق، پنجاب کے ضلع اٹک سے تعلق رکھنے والے لیفٹیننٹ عزیر محمود ملک 9 اگست کو وادی تیراہ میں عسکریت پسندوں کے ساتھ فائرنگ کے تبادلے کے دوران زخموں کی تاب نہ لاتے ہوئے چل بسے۔ اور عزیر نے فائرنگ کے تبادلے میں جام شہادت نوش کیا۔
جمعہ کو خیبر کے ضلع وادی تیراہ میں تین مختلف مقامات پر سیکورٹی فورسز اور خوارج کے درمیان فائرنگ کا تبادلہ ہوا۔ باغ میں ہونے والے ایک مقابلے میں لیفٹیننٹ عزیر نے بہادری کے ساتھ اپنی فوج کی قیادت کرتے ہوئے چار خوارج جنگجوؤں کو ہلاک کر دیا۔
فائرنگ کے شدید تبادلے کے دورانعزیر شدید زخمی ہو گئے اور اسے سی ایم ایچ پشاور میں طبی امداد دی گئی۔ وہ آج زخموں کی تاب نہ لاتے ہوئے چل بسے۔
آئی ایس پی آر نے تصدیق کی کہ لیفٹیننٹ عزیر ملک وادی تیراہ میں عسکریت پسندوں کے خلاف اپنی ٹیم کی قیادت کر رہے تھے جب وہ شدید زخمی ہوئے۔ آپریشن کے نتیجے میں چار دہشت گرد مارے گئے۔
انہیں پشاور کے کمبائنڈ ملٹری ہسپتال (سی ایم ایچ) منتقل کیا گیا۔
آئی ایس پی آر نے لیفٹیننٹ ملک کے جانی نقصان پر گہرے دکھ کا اظہار کرتے ہوئے ان کی بہادری اور فرض شناسی کے عزم کو سراہا۔
نیز شہیدلیفٹیننٹ عزیرمحمودملک کی نمازجنازہ پشاورگیریژن میں اداکردی گئی۔ نمازجنازہ میں کورکمانڈرپشاور،شہیدکےلواحقین نےشرکت کی،آئی ایس پی آر کے مطابق نمازجنازہ میں عسکری حکام کی بڑی تعدادنےبھی شرکت کی۔
شہیدکوان کےآبائی شہرمیں فوجی اعزازکےساتھ سپردخاک کیاجائیگا۔ لیفٹیننٹ عزیز محمود نے ضلع خیبر میں خوارج کیساتھ لڑتے ہوئے جام شہادت نوش کیا۔
24سالہ لیفٹیننٹ عزیز محمود کا تعلق ضلع اٹک سے تھا۔
مزید پڑھیں :شاباش ارشد ندیم شاباش، قومی ہیروکو پوری قوم اور اے بی این نیوز کاسلام
