لاہور( نیوز ڈیسک ) پی ٹی آئی رہنما شاہد صدیق کے قتل کیس میں ڈرامائی پیش رفت ہوئی ہے کیونکہ پیر کو لاہور میں پولیس نے اس کے بیٹے کو اس کے والد کی موت کے سلسلے میں گرفتار کر لیا ہے۔
آرگنائزڈ کرائم یونٹ (او سی یو) کے اہلکاروں نے پی ٹی آئی رہنما کے قتل کی مکمل تحقیقات کے بعد جمع کیے گئے ٹھوس شواہد کی بنیاد پر قیوم شاہد کو گرفتار کیا جو اقراء ہسپتال کے مالک بھی تھے۔پولیس ذرائع کے مطابق قیوم نے مبینہ طور پر کرائے کے قاتل کے ذریعے اپنے والد کو قتل کرایا۔
ذرائع کا کہنا ہے کہ شوٹر نے ڈاکٹر شاہد صدیق کو اس وقت نشانہ بنایا جب وہ گزشتہ جمعہ کو ویلینسیا ٹاؤن کی ایک مسجد کے باہر اپنی گاڑی میں بیٹھنے والے تھے۔قیوم بھی کرائم سین کے قریب اپنی گاڑی کے پاس کھڑا تھا۔
ڈاکٹر شاہد کے قتل کا مقدمہ ان کے دوسرے بیٹے تیمور شاہد نے درج کرایا تھا۔2 اگست کو پی ٹی آئی رہنما اور اقراء ہسپتال کے مالک ڈاکٹر شاہد صدیق کو لاہور میں ایک مسجد کے باہر فائرنگ کر کے قتل کر دیا گیا۔
ڈاکٹر شاہد کو ویلنسیا ٹاؤن میں نماز جمعہ کی ادائیگی کے بعد مسجد کے باہر قتل کر دیا گیا۔ موٹر سائیکل پر سوار نامعلوم مسلح افراد نے پی ٹی آئی رہنما کو چار گولیاں مار دیں۔
مزید پڑھیں: نواز شریف کا پارٹی صدارت سے استعفیٰ دینے کا نوٹیفکیشن جعلی نکلا
