اسلام آباد( اے بی این نیوز      )وفاقی وزیر اطلاعات عطاءاللہ تارڑ نے کہا ہے کہ عمران خان دوبارہ یو ٹرن لے رہے ہیں۔ عمران خان آج مذاکرات کے لئے منتیں ترلے کر رہے ہیں۔

نیوٹرل ہونا شاید بانی پی ٹی آئی کو قبول نہیں۔ یہ کہتے تھے کہ نیوٹرل تو جانور ہوتا ہے۔

آپ 9 مئی کے حملے کرتے ہیں، شہداءکی یادگاروں کو مسمار کرتے ہیں۔ آپ کے جرائم کی فہرست بہت طویل ہے جو ختم ہونے کا نام نہیں لے رہی۔ آپ قومی سلامتی کے اداروں اور ملک کی سلامتی کے لئے خطرہ پیدا کرتے ہیں۔

کور کمانڈر ہاؤس کے باہر آپ کی بہنیں موجود تھیں۔ آپ جھوٹا بیانیہ گھڑتے ہیں اور عوام کو گمراہ کرتے ہیں۔ آپ کبھی گریبان پکڑتے ہیں اور کبھی پاؤں میں گرتے ہیں۔ ملک کی سلامتی پر کوئی کمپرو مائز نہیں کیا جائے گا۔ پارلیمنٹ ہاؤس کے باہر میڈیا سے گفتگو کرتے ہو ئے کہا کہ

آپ ملک کی سلامتی کے لئے سیکورٹی رسک ہیں۔ بانی پی ٹی آئی نے ملکی مفادات کے خلاف سیاست کی۔ آپ کی پارٹی کے لوگ کہتے رہے کہ خان نہیں تو پاکستان نہیں۔ انہوں نے خیبر پختونخوا میں دہشت گردوں کو واپس لایا، آج وہاں حالات خراب ہیں۔

11 سال سے یہ خیبر پختونخوا میں حکومت کر رہے ہیں، امن کے قیام کے لئے انہوں نے کیا اقدامات کئے؟پی ٹی آئی نے سوشل میڈیا پر اداروں کے خلاف منظم مہم چلائی۔ 2018ءمیں ہم ترقی کرتا ہوا پاکستان چھوڑ کر گئے تھے، انہوں نے ملک کو تباہی کے دھانے پر پہنچایا۔

آج ہم معاشی اصلاحات کے ایجنڈے پر گامزن ہیں۔ آج معیشت کے حوالے سے اچھی خبریں آ رہی ہیں۔ آج ہماری برآمدات میں 3 ارب ڈالر کا اضافہ ہوا ہے۔ تمام معاشی اشاریئے بتا رہے ہیں کہ معیشت میں بہتری آ رہی ہے۔

موجودہ حکومت نے ملک کو دیوالیہ ہونے سے بچایا۔ آپ نے معیشت کی بحالی کے لئے کیا اقدامات کئے؟۔ یہ ملک دشمن ایجنڈے کو دیکھتے ہوئے کہہ رہے ہیں کہ مجھ سے بات کرلو۔
یہ 9 مئی کا اعتراف بھی کرتے ہیں اور پولی گراف ٹیسٹ سے بھی بھاگتے ہیں۔

یہ اس لئے پولی گراف ٹیسٹ سے بھاگتے ہیں کہ سچ ثابت ہو جائے گا۔ ان کے ترلے منت کے پروگرام اس بات کا شاخسانہ ہے کہ ان کا ایک سیل پکڑا گیا ہے اس میں شواہد موجود ہیں۔

مزید پڑھیں :نان مسلم نہ قرآن مجید کی پرنٹنگ کر سکتے ہیں نہ پبلشنگ کرسکتے ہیں،صاحبزادہ حامد رضا