اسلام آباد (نیوز ڈیسک )فیڈرل بورڈ آف ریونیو (ایف بی آر) بڑے اہم شہروں میں غیر منقولہ جائیدادوں کی ویلیویشن کو مارکیٹ ریٹ کے 75 فیصد سے بڑھا کر 90 فیصد کرنے کے لیے تیار ہے۔
ملک کی ایپیکس ٹیکس کلیکشن اتھارٹی نے سینیٹ کی قائمہ کمیٹی برائے خزانہ کو بتایا کہ ٹیکسوں میں تبدیلی کا اطلاق رواں سال جولائی سے متوقع ہے۔2024-25 کے بجٹ کی منظوری کے فوراً بعد جائیدادوں کی قیمتوں کی قیمتوں میں اضافہ کیا جائے گا۔
جیسا کہ حکومت ٹیکس محصولات کو بڑھانے کے لیے اقدامات کر رہی ہے، ایف بی آر نے کہا کہ اس نے جانے والے مالی سال میں 15 لاکھ نئے ٹیکس فائلرز کو شامل کیا ہے۔
تاہم سینیٹر انوشہ رحمان نے تشویش کا اظہار کیا کہ سخت اقدامات کے بغیر ٹیکس فائلرز کی تعداد میں خاطر خواہ اضافہ نہیں ہو گا۔ایف بی آر نے جعلی/فلائنگ انوائسز کے ذریعے 756 ارب روپے کے مبینہ ٹیکس فراڈ کا پردہ فاش کرنے اور 70 سے 80 افراد کو گرفتار کرنے کا بھی ذکر کیا۔
سٹیل سیکٹر کو جعلی رسیدوں کے ایک بڑے ذریعہ کے طور پر شناخت کیا گیا جس سے قومی خزانے کو 60 سے 70 ارب روپے کا سالانہ نقصان پہنچا۔
مزید پڑھیں: غزہ،ریڈ کراس کے دفتر پر اسرائیلی بمباری ، پناہ لینے والے 22فلسطینی شہید
