کراچی ( اے بی این نیوز   )اسٹیٹ بینک آف پاکستان (ایس بی پی) نے شرح سود میں ڈیڑھ فیصد کمی کا اعلان کردیا۔

اسٹیٹ بینک کے بیان میں کہا گیا ہے کہ آج مانیٹری پالیسی کمیٹی (ایم پی سی) کے اجلاس میں پالیسی ریٹ میں 150 بیسس پوائنٹس کمی کرکے 20.5 فیصد کرنے کا فیصلہ کیا گیا ہے۔ اس میں کہا گیا کہ کمیٹی نے نوٹ کیا کہ فروری سے مہنگائی میں نمایاں کمی متوقع تھی تاہم مئی میں کمی کے نتائج توقع سے بہتر تھے۔

مانیٹری پالیسی کمیٹی نے یہ بھی اندازہ لگایا کہ بنیادی افراط زر کا دباؤ بھی کم ہو رہا ہے۔ یہ بنیادی افراط زر میں مسلسل کمی اور صارفین اور کاروباری افراط زر کی توقعات میں نرمی سے ظاہر ہوتا ہے۔ یہ صورتحال سخت مانیٹری پالیسی اور مالی استحکام کے اقدامات کی وجہ سے ہے۔

اس میں کہا گیا ہے کہ مانیٹری پالیسی کمیٹی نے اس بات کا اظہار کیا کہ آئندہ بجٹ کے اقدامات اور توانائی کی قیمتوں میں تبدیلی سے مستقبل قریب میں افراط زر کے نقطہ نظر پر کچھ دباؤ بڑھ سکتا ہے۔ ان خدشات اور آج کے فیصلے کے باوجود، گزشتہ مالیاتی سختی کے مجموعی اثر سے افراط زر کے دباؤ کو قابو میں رکھنے کی توقع ہے۔

مزید پڑھیں :پیپلزپارٹی ہتک عزت قانون کی منظوری کا حصہ نہیں بنی، شرجیل میمن