سیالکوٹ(نیوزڈیسک) سیالکوٹ کی ایک مقامی فیکٹری کو ایک بار پھر آئندہ آئی سی سی ٹی ٹوئنٹی ورلڈ کپ 2024 کیلئے قومی کرکٹ ٹیم کے لیے کٹ تیار کرنے کی ذمہ داری سونپی گئی ۔سیالکوٹ، کھیلوں کے سازوسامان اور آلات جراحی کی اپنی غیر معمولی تیاری کے لیے عالمی سطح پر مشہور ہے، اس پہچان پر بہت فخر محسوس کرتا ہے۔
جاپان سے درآمد کیے گئے منفرد فیبرک پر مشتمل اس کٹ میں اسٹریچ ایبل مواد شامل ہے جو آرام اور کارکردگی دونوں کو یقینی بناتا ہے۔سانس لینے والا کپڑا موثر طریقے سے پسینے کا انتظام کرتا ہے، پہننے والے کو خشک رکھتا ہے، جبکہ سورج سے بھی تحفظ فراہم کرتا ہے۔
ان کٹس کو تیار کرنے والی فیکٹری کے جنرل منیجر ندیم انور نے اس کامیابی پر خوشی کا اظہار کیا۔ انہوں نے کہا کہ فیکٹری میں کام کرنے والے کاریگر بھی اس بات پر خوش ہیں کہ ان کے ہاتھوں سے بنی کٹس کو قومی کرکٹ ٹیم ورلڈ کپ 2024 میں پہنے گی۔ہنر مند کاریگروں میں سے علی اور عامر نے بھی اپنے جوش و خروش کا اظہار کیا۔
قومی کرکٹ ٹیم کیلئے تیار کردہ کٹ اب شائقین کرکٹ کیلئے کھیلوں کی مارکیٹ میں بھی دستیاب ہے۔آئی سی سی کا ٹی ٹوئنٹی ورلڈ کپ 2024 کی فاتح ٹیم کیلئے 682.86 ملین روپے کا اعلان ، جہاں فیکٹری مالکان اور کاریگر قومی ٹیم کی تیاری میں اپنا حصہ ڈالنے پر خوش ہیں، وہیں ان کی امیدیں اور دعائیں ٹورنامنٹ میں ٹیم کی کامیابی کے ساتھ ہیں۔
چین سے درآمد 30 ای بسیں آج اسلام آباد پہنچیں گی
