ڈھاکہ (نیوزڈیسک)، بنگلادیشی میڈیا کی نظریں ان دنوں بھارت پرمرکوز ہیں اس کی بڑی وجہ ہے بنگلادیشی سیاستدان کا بھارت میں پراسرار قتل ہونا۔حال ہی میں بنگلادیشی ممبر پارلیمنٹ انوارلاعظم کو پراسرار طور پر بھارتی سرزمین پر ایک بھارتی قصائی نے قتل کر دیا ۔
میڈیا رپورٹس کے مطابق عوامی لیگ کے رہنما اور ممبر پارلیمنٹ انوارالاعظم کی لاش بھارتی شہر کلکتہ سے بدھ کے روز ملی ۔ وسطی بنگال سی آئی ڈی کی جانب سے جمعرات کے روز ایک قصاب کو گرفتارکرلیا گیا سی آئی ڈی کے مطابق قصاب کو ممبئی سے بلایا گیا تھا، جسے بنگلادیشی سیاستدان کی کھال تک اتار دینے کا ٹاسک دیا گیا تھا جبکہ انوارالاعظم کے جسم کی ہڈیوں کو بھی شہر میں تقسیم کر دیا گیا تھا۔
بنگلہ دیش میں پھانسیوں پر پاکستان کی تشویش
سی آئی ڈی ذرائع کی جانب سے انکشاف کیا گیا تھا کہ سیاستدان کی شناخت چھپانے کے لیے جسم کی کھال اتاری گئی تھی، جبکہ قصاب کی شناخت 24 سالہ جہاد حولدار کے نام سے ہوئی جو کہ غیر قانونی تارکین وطن ہے۔جبکہ پولیس کا کہنا تھا کہ جہاد کا تعلق بنگلادیش کے شہر کھلنا سے ہے جبکہ ملزم جوئینل حولدار کا بیٹا ہے
جبکہ ملزم کی جانب سے اعتراف کرتے ہوئے کہنا تھا کہ بنگلادیشی نژاد امریکی شہری اخترالزماں کے کہنے پر ممبر پارلیمنٹ کو قتل کیا گیا ہے۔پولیس کی جانب سے انکشاف کیا گیا ہے کہ ملزم نے ممبر پارلیمنٹ کے جسم کے حصے کر کے کلکتہ شہر کے مختلف علاقوں میں بھیج دیئے۔
جبکہ پولیس کی جانب سے خدشہ ظاہر کیا جا رہا ہے کہ سیاستدان کے جسم کے حصے دکانوں میں بھی موجود ہو سکتے ہیں۔ملزم کو براسات کورٹ منتقل کیا جائے گا، جہاں ریمارنڈ لے کر مزید تحقیقات کی جائیں گی، پولیس کی جانب سے سی سی ٹی وی کی مدد سے ملزم کو گرفتار کیا گیا ہے۔
