اسلام آباد ( اے بی این نیوز )بیت المال میں ایم ڈی کی عدم تعیناتی وزیر اعظم اور ان کی حکومت کے ’غریب دوست‘ ہونے کے تاثر کی نفی کر رہی ہے۔
پاکستان بیت المال سے علاج اور مالی مدد کے منتظر سینکڑوں غریب افراد شدید تکلیف میں ہیں۔
بے سہارا مریضوں کو حکومت کی عدم توجہی کی وجہ سے حالات کے دھارے پر چھوڑ دیا گیا ہے۔
مزید پڑھیں :حکومت کو اب سر چھپانے کی جگہ نہیں ملے گی، گرفتار افراد کو رہا کیا جائے،امیر جماعت اسلامی
ایم ڈی کی عدم تعیناتی کے باعث امداد کی پندرہ سو سے زائد درخواستوں پر کارروائی رک گئی ۔
مختلف سرکاری ہاسپٹل سمیت ایسے مریض موجود ہیں جو زندگی اور موت کی جنگ لڑ رہے ہیں۔
امدادی چیک یا علاج کے چیک یا کسی بھی امدادی کام کے لیے رقم کے اجراء کے چیک پر ایم ڈی کے دستخط ہونا ضروری ہیں۔
کینسر معذوروں ، تھیلیسیمیا سمیت دیگر ملحق بیماریوں کے مریض شدید مشکلات میں مبتلا ہیں۔
چارج وزارت تخفیف غربت میں کسی افسر کو تفویض نہ کیا جا سکا ۔
ایم ڈی بیت المال عامر فدا پراچہ کے مستفی ہونے کے تین ماہ بعدمخدوم سید طارق محمود الحسن کو ایم ڈی بیت المال نامزد کیا گیاتھا ۔
دس دن بعد سید طارق محمود الحسن بھی مستعفی ہو چکے ہیں ۔
گزشتہ اڑھائی مہینے بعد بھی ایم ڈی کی تعیناتی نہ ہوسکی ۔
