اسلام آباد ( نیوز ڈیسک)پاکستان کے محکمہ موسمیات (پی ایم ڈی) نے 26 اور 27 فروری کو بلوچستان اور ملک کے بالائی علاقوں میں پہاڑیوں پر برفباری کے ساتھ ممکنہ بارش/آندھی/گرج چمک کے ساتھ متعلقہ حکام کو الرٹ کر دیا ہے۔
مزید پڑھیں:قومی اسمبلی میں نئی پارٹی پوزیشن جاری، کس جماعت کے کتنے ارکان؟
موسلا دھار بارش سے بلوچستان میں مقامی ندی نالوں میں سیلاب آسکتا ہے جبکہ پہاڑی علاقوں میں برف باری اس عرصے کے دوران سڑکوں کو متاثر یا بند کرنے کا سبب بن سکتی ہے۔مغربی لہر 25 فروری (رات) کو بلوچستان میں داخل ہونے کا امکان ہے اور 26 فروری کو ملک کے بالائی علاقوں کو اپنی لپیٹ میں لے سکتی ہے۔
اس موسمی نظام کے زیر اثر بلوچستان میں بارش/آندھی/گرج چمک کے ساتھ پہاڑوں پر برفباری کا امکان ہے۔ چاغی، نوشکی، خاران، پنجگور، گوادر، آواران، خضدار، قلات، لسبیلہ، سبی، کوئٹہ، زیارت، چمن، پشین، قلعہ عبداللہ، قلعہ سیف اللہ، ژوب، شیرانی، بارکھان،
موسیٰ خیل اور کوہلو میں 25 فروری (رات) اور 26 فروری۔خیبرپختونخوا میں، چترال، دیر، سوات، شانگلہ، کوہستان، بونیر، مانسہرہ، ایبٹ آباد، ہری پور، صوابی، مردان، چارسدہ، نوشہرہ، پشاور، مہمند، باجوڑ، میں آندھی اور گرج چمک کے ساتھ بارش اور پہاڑوں پر برفباری کا امکان ہے۔
خیبر، کرم، کوہاٹ، بنوں اور وزیرستان 25 فروری (رات) سے 27 فروری تک کبھی کبھار وقفے کے ساتھ۔
ژالہ باری بھی ہو سکتی ہے۔
