واشنگٹن(نیوزڈیسک) امریکی گلوکار کانیے ویسٹ نے ریئلٹی ٹی وی اسٹار کم کارڈیشین سے طلاق کے چند ماہ بعد ہی دوسری شادی کرلی۔غیرملکی میڈیا کے مطابق کانیے ویسٹ نے طلاق کے معاملات مکمل ہونے کے 2 ماہ بعد دوبارہ شادی کی ۔ 45 سالہ امریکی گلوکار نے گزشتہ ہفتے ایک نجی تقریب میں اپنے فیشن برانڈ کے ساتھ کام کرنے والی خاتون بیانکا سنسوری سے شادی کی ۔ کانیے ویسٹ کو کئی مرتبہ بیانکا سنسوری کے ساتھ دیکھا بھی جاچکا ہے۔کانیے ویسٹ اور کم کارڈیشین 4 بچوں کے والدین بھی ہیں جو طلاق کے بعد مشترکہ طور پر ان کے نگران بھی ہیں۔