اسلام آباد (نیوز ڈیسک) سوشل میڈیا پر چلنے والی مہم کے جواب میں پاکستان معروف اداکارہ مہوش حیات نے سوشل میڈیا پر قرآن کی آیت شیئر کردی۔تفصیلات کے مطابق ویڈیو شیئرنگ پلیٹ فارم انسٹاگرام پر مہوش حیات نے قرآن کی آیت شیئر کی جس کا ترجمہ یہ ہے کہ ’غم نہ کرو، اللہ ہمارے ساتھ ہے‘،اس کے علاوہ سٹوری پر اپنی سندھ ہائی کورٹ میں سماعت کے بعد میڈیا سے گفتگو بھی شیئر کی جس میں انہوں نے کہا کہ جو باتیں پھیلائی جارہی ہیں اس سے میں اور میرا خاندان ذہنی اذیت سے گزر رہے ہیں۔