لاہور ( اے بی این نیوز )مسلم لیگ ن کے رکن پنجاب اسمبلی عرفان شفیع کھوکھر انتقال کر گئے۔ یہ افسوسناک واقعہ لاہور میں پیش آیا جہاں انہیں اچانک دل کا دورہ پڑا جو جان لیوا ثابت ہوا۔
ذرائع کے مطابق عرفان شفیع کھوکھر کو طبیعت خراب ہونے پر فوری طور پر ڈاکٹرز اسپتال منتقل کیا گیا، تاہم وہ جانبر نہ ہو سکے۔ مشیر وزیراعلیٰ پنجاب ذیشان ملک نے ان کے انتقال کی تصدیق کرتے ہوئے گہرے دکھ اور افسوس کا اظہار کیا۔
اطلاعات کے مطابق عرفان شفیع کھوکھر صوبائی وزیر کھیل فیصل ایوب کھوکھر کے کزن تھے اور وہ لاہور کے حلقہ پی پی 167 سے رکن پنجاب اسمبلی منتخب ہوئے تھے۔ ان کے انتقال سے سیاسی حلقوں اور کارکنوں میں سوگ کی فضا ہے۔
مسلم لیگ ن کی قیادت، پارٹی رہنماؤں اور حلقہ انتخاب کے افراد نے مرحوم کے اہلخانہ سے دلی تعزیت اور ہمدردی کا اظہار کرتے ہوئے ان کے درجات کی بلندی اور لواحقین کے لیے صبر جمیل کی دعا کی ہے۔
مزید پڑھیں :پاکستان تحریک انصاف کا اہم ترین راہنما گرفتار
