لاہور (اے بی این نیوز) این اے 120 اور پی پی 151 سے مقامی سیاسی و سماجی رہنماؤں نے پاکستان تحریک انصاف (پی ٹی آئی) میں شمولیت کا اعلان کر دیا۔
تفصیلات کے مطابق صدر صرافہ یونین جلو موڑ اعجاز احمد نے اپنے ساتھیوں سمیت پاکستان تحریک انصاف میں شمولیت کا اعلان کر دیا۔
اس موقع پر سابق کونسلر وارڈ نمبر 1 اسلم بھٹی نے بھی پارٹی میں شمولیت کا فیصلہ کیا۔ شمولیتی تقریب میں سابق صدر واہگہ ٹاؤن یوسف لدھڑ، راشد کرامت بٹ، چوہدری یعقوب اور سابق جنرل سیکرٹری سید جبران حیدر شاہ نے شرکت کی۔
تقریب میں شریک رکن پنجاب اسمبلی شیخ امتیاز محمود نے نئے شامل ہونے والے رہنماؤں کو خوش آمدید کہا اور ان کی شمولیت کو پارٹی کے لیے ایک مثبت اور حوصلہ افزا قدم قرار دیا۔
انہوں نے کہا کہ مقامی سطح پر بااثر اور فعال رہنماؤں کی شمولیت سے پاکستان تحریک انصاف تنظیمی سطح پر مضبوط ہوگی اور عوام سے اس کے روابط مزید بہتر ہوں گے۔
دوسری جانب سیاسی مبصرین کا کہنا ہے کہ این اے 120 اور پی پی 151 کی سطح پر ان شمولیتوں سے آئندہ بلدیاتی اور عام انتخابات میں پاکستان تحریک انصاف (پی ٹی آئی) کی مضبوط پوزیشن بن سکتی ہے۔
مزید پڑھیں:بالی ووڈ کی معروف اداکارہ سندھیا شانتارام انتقال کر گئیں
