ملتان(اے بی این نیوز) ملتان کے علاقے جلال پور میں کشتی الٹ گئی جس کے نتیجے میں چار افراد ڈوب کر جاں بحق ہوگئے۔
سٹی پولیس آفیسر کے مطابق کشتی میں تیس افراد سوار تھے جن میں سے چار کی لاشیں نکال لی گئی ہیں۔
سی پی او کا کہنا تھا کہ جاں بحق ہونے والوں میں ایک خاتون اور تین بچے شامل ہیں جب کہ کشتی حادثے میں لاپتہ ہونے والے دو ماہ کے بچے کی تلاش جاری ہے۔
سی پی او کے مطابق کشتی میں سوار دیگر تمام افراد کو بچا لیا گیا۔ کشتی سیلاب زدگان کو بچانے کے لیے گئی تھی اور بڑی تعداد میں لوگ کشتی پر سوار تھے۔
سی پی او کا کہنا ہے کہ کشتی الٹنے کے باعث کشتی پر لوگوں کی بڑی تعداد موجود تھی، متاثرہ علاقے میں پانی کا بہاؤ بہت زیادہ ہے۔
مزید پڑھیں:بلوچستان میں رواں سال اب تک کے 51 کان کن جاں بحق ہوگئے
