لاہور(اے بی این نیوز)پنجاب حکومت شہر میں جدید اور ماحول دوست ٹرانسپورٹ متعارف کرانے کے لیے الیکٹرک ٹرام کا آغاز کرنے جارہی ہے ،پہلے مرحلے میں ٹرام ہربنس پورہ سے ٹھوکر نیاز بیگ تک چلانے کا فیصلہ کیا گیا ہے۔

تفصیلات کے مطابق ٹریفک میں رکاوٹ کم سے کم رکھنے کے لیے ٹرام روٹ کینال روڈ کے انتہائی بائیں جانب بنایا جائے گا جبکہ مسافروں کی آسانی کے لیے بس اسٹاپس کے قریب سڑک کی توسیع کی جائے گی۔ٹریفک کے بہاؤ کو بہتر بنانے کے لیے کینال روڈ کے انڈرپاسز کو سنگل لین میں ضم کرنے اور جیل روڈ انڈرپاس کو بائیں سے دائیں جانب منتقل کرنے کا منصوبہ بھی زیر غور ہے۔

چین سے درآمد کی گئی یہ برقی ٹرام تین یونٹس پر مشتمل ہوگی جو مکمل طور پر بجلی سے چلتی ہے،ٹرام کی چارجنگ10منٹ میں اور فاصلہ 25سے27کلو میٹر کی ٹائمنگ ہو گی جس میں 250مسافروں سفر کر سکیں گے۔

پائلٹ پراجیکٹ کے تحت اس ٹرام کا تجرباتی آغاز لاہور ایئرپورٹ کے قریب کیا جاچکا ہے،سروس کے مکمل آغاز پر کرایہ طے کیا جائے گا جبکہ جالو سے ہربنس پورہ تک زیرِ زمین سڑک بنانے کا منصوبہ بھی تیار کیا جارہا ہے تاکہ شہر میں رابطہ مزید بہتر ہوسکے۔
مزید پڑھیں‌:صحت سہولت کارڈ کے حوالے سے بریکنگ نیوز آگئی، جا نئے کیا