ایران (اے بی این نیوز)ایران نے بین الاقوامی ایٹمی توانائی ایجنسی کے ساتھ ہر قسم کا تعاون معطل کرنے کا اعلان کیا ہے۔
تفصیلات کے مطابق، ایرانی سپریم کونسل نے پابندیاں ہٹانے میں ناکامی کی وجہ سے آئی اے ای اے کے ساتھ تعاون ختم کرنے کا اعلان کردیا۔ ایران کی قومی سلامتی کونسل نے ایک بیان میں کہا ہے کہ یورپی ممالک نے خود ایٹمی تعاون کا راستہ بند کر دیا۔
ایران کی قومی سلامتی کونسل نے برطانیہ، فرانس اور جرمنی کے اقدامات کی شدید مذمت کی ہے۔
یاد رہے کہ گزشتہ روز اقوام متحدہ کی سلامتی کونسل میں ایران پر سے پابندیاں اٹھانے کی قرارداد منظور نہ ہو سکی، سلامتی کونسل کے 9 رکن ممالک نے ایران پر سے پابندیاں اٹھانے کی قرارداد کے خلاف ووٹ دیا۔
قرارداد کی مخالفت کرنے والوں میں امریکا، برطانیہ، فرانس، ڈنمارک، یونان، پاناما، سیرالیون، صومالیہ اور سلواکیہ شامل ہیں جب کہ 4 ممالک پاکستان، الجزائر، چین اور روس نے قرارداد کے حق میں ووٹ دیا۔ دونوں ممالک گھانا اور جمہوریہ کوریا ووٹنگ کے دوران غیر حاضر رہے۔
مزید پڑھیں:پولیس کی کارروائی، بھاری مقدار میں آٹا اور گندم خیبرپختونخوا سمگل کرنے کی کوشش ناکام
