کرم( اے بی این نیوز)خیبرپختونخوا کے ضلع کرم میں کوئلے کی کان گرنے سے 5 کان کن جاں بحق ہوگئے۔
اے بی این نیوز کے مطابق کرم میں کان کے حادثے میں شانگلہ سے تعلق رکھنے والے 5 کان کن دب گئے، جن کی لاشیں نکالنے کے لیے ریسکیو آپریشن جاری ہے۔
کان گرنے کا واقعہ یاست تورا واڑی میں پیش آیا۔ حادثے کے وقت مزدور کام میں مصروف تھے۔ چھ کان کن ملبے تلے دب گئے جن میں سے ایک کو بچا لیا گیا۔
جاں بحق ہونے والوں میں تاج اللہ، زیور الرحمان، شوکت، ناز اللہ اور جان محمد شامل ہیں۔ ملبے سے دو کان کنوں کی لاشیں نکال لی گئی ہیں جبکہ مزید تین کی تلاش کے لیے ریسکیو کا کام جاری ہے۔
ذرائع کے مطابق کان کے ایک حصے میں مٹی کا تودہ گرنے سے مزدور اندر پھنس گئے، انہیں نکالنے کے لیے بھاری مشینری کا استعمال کیا گیا۔
مزید پڑھیں:افغان طالبان کا سب سے بڑا کیمپ’ عصمت اللہ کرار‘تباہ، فوٹیج منظرعام پر آگئی
