پشاور(اے بی این نیوز)اپر دیر میں پولیس اور سی ٹی ڈی کی کارروائی میں فتنہ الخوارج کے 9 دہشت گرد مارے گئے۔

ایس ایس پی اپر دیر کے مطابق 3 روزہ آپریشن میں پولیس، ایلیٹ فورس اور ریپڈ رسپانس فورس نے حصہ لیا۔

انہوں نے بتایا کہ آپریشن ہل ٹاپ، دو بندو درہ، مسالہ بانڈہ، شاندل باغ، اتن درہ، باغ کلے، سانگر اور شاندل باغ میں کیا گیا۔

ایس ایس پی اپر دیر نے بتایا کہ 20 مربع کلومیٹر پر محیط علاقے میں آپریشن 3 دن تک جاری رہا۔

ان کا یہ بھی کہنا تھا کہ آپریشن کے دوران 2 شہری شہید جبکہ 10 پولیس اور سی ٹی ڈی اہلکار زخمی ہوئے۔
مزید پڑھیں:لوگ فلمیں نہ چلائیں، پارٹی عہدوں سے استعفیٰ دینا سنگین مسئلہ ہے، بیرسٹر گوہر