پشاور( اے بی این نیوز)خیبرپختونخوا کابینہ نے 9 مئی کو مردان میں توڑ پھوڑ اور فائرنگ کا مقدمہ واپس لینے کی منظوری دے دی۔
اے بی این کے مطابق خیبرپختونخوا حکومت نے پبلک پراسیکیوٹر کا تبادلہ کر دیا ہے اور ایڈیشنل ایڈووکیٹ جنرل انعام اللہ کو 9 مئی کے مقدمے کا اسپیشل پراسیکیوٹر مقرر کیا گیا ہے۔
ایڈیشنل ایڈووکیٹ جنرل نے کیس واپس لینے کے لیے ایڈیشنل ہوم سیکریٹری کی جانب سے خط عدالت میں جمع کرایا جس کے بعد عدالت نے کیس کی سماعت کے لیے 15 اکتوبر کی تاریخ مقرر کردی۔
واضح رہے کہ 9 مئی کو مردان میں پتھراؤ اور فائرنگ کے واقعات میں کارکن، راہگیر اور پولیس اہلکار زخمی ہوئے تھے جب کہ اس کیس کے ملزمان میں ظاہر شاہ طورو، ایم این اے مجاہد خان اور دیگر شامل ہیں۔
مزید پڑھیں:جرمانے کا نیا قانون ! موٹر سائیکل اور گاڑی مالکان کے لیے بڑی خبر
