گلگت بلتستان (اے بی این نیوز  )وفاقی وزیر داخلہ رانا ثنا اللہ کا زیر تعمیر دیا مر بھاشا ڈیم کا دورہ ،وزیر داخلہ نے دیا مر بھاشا ڈیم پراجیکٹ سائٹ پر سکیورٹی کے مجموعی اقدامات کا جائزہ لیاوفاقی سیکرٹری داخلہ، چیئرمین واپڈا اور نیکٹاکے نیشنل کوآرڈی نیٹر بھی وزیر داخلہ کے ہمراہ تھے۔ خیبرپختونخوااور گلگت بلتستان کے چیف سیکریٹریز اور آئی جیز، پراجیکٹ حکام اور واپڈا کے سینئر آفیسرز بھی اِس موقع پر موجود تھے۔ وفاقی وزیر داخلہ نے پراجیکٹ سائٹ پر تعمیراتی کام اور سکیورٹی انتظامات کا جائزہ لیا۔وفاقی وزیر داخلہ کو پراجیکٹ حکام کی جانب سے سکیورٹی امور پر بریفنگ دی گئی،وزیر داخلہ گفگو کرتے ہو ئے کہا کہ زیر تعمیر دیا مر بھاشا ڈیم قومی ترقی کے لئے اہم منصوبہ ہے۔دیا مر بھاشا ڈیم کی شیڈول کے مطابق تکمیل محفوظ اور ساز گار ماحول سے براہِ راست وابستہ ہے۔ پراجیکٹ ایریا میں جامع اور مربوط سکیورٹی پلان پر عملدرآمد بہت ضروری ہے۔ وفاقی وزیر کو بریفنگ کے دوران بتایاق گیا کہ دیا مر بھاشا ڈیم کی تکمیل 2029 ء میں شیڈول ہے۔دیا مر بھاشا ڈیم میں پانی ذخیرہ کرنے کی مجموعی صلاحیت 8.1 ملین ایکڑ فٹ ہوگی۔دیامر بھاشا ڈیم کی بجلی پیدا کرنے کی صلاحیت 4 ہزار 500 میگاواٹ ہے۔