دبئی(اے بی این نیوز) سابق صدر و آرمی چیف جنرل (ر)پرویز مشرف کی میت پاکستان لے کر جانے کیلئے اہل خانہ کی جانب سے قونصل خانہ دبئی میں درخواست کردی گئی ہے،ذرائع کے مطابق پرویزمشرف کی میت لینے کیلئے پاکستان سے طیارہ پیر کی صبح دبئی پہنچے گا، خصوصی طیارہ نور خان ائیربیس سے دبئی کے المکتوم ائیرپورٹ پہنچے گا،صدرآل پاکستان مسلم لیگ امارات کا کہنا تھا کہ پرویزمشرف کی میت دبئی سے پاکستان روانہ کردی جائیگی،دوسری جانب خاندانی ذرائع نے تصدیق کی ہے کہ پرویزمشرف کو کراچی میں سپردِ خاک کیا جائیگا، پرویز مشرف کی والدہ دبئی اور والد کراچی میں مدفون ہیں۔
