راولپنڈی (اے بی این نیوز) سہ ملکی سیریز کے فائنل میں پاکستانی بولرز بڑا ہدف دینے میں ناکام رہے، ٹائیگرز 114 رنز پر ڈھیر ہو گئے۔
راولپنڈی کرکٹ سٹیڈیم میں کھیلے جا رہے میچ میں سری لنکن ٹیم کی پہلی وکٹ 20 رنز پر گری تاہم اس کے بعد کامل مشرا اور وکٹ کیپر بلے باز کوسل مینڈس نے 47 گیندوں پر 64 رنز کی عمدہ شراکت قائم کی۔
84 کے مجموعی اسکور پر کوسل مینڈس کے آؤٹ ہونے کے بعد لنکن بلے باز پویلین واپسی کے راستے پر تھے، پوری ٹیم 20 اوورز بھی نہ کھیل سکی اور 114 رنز پر آل آؤٹ ہوگئی۔
Sri Lanka lose their last 9️⃣ wickets for just 30 runs 😲
Pakistan simply unstoppable with the ball 🔥
📺 Watch live in the UK region, sign up now at https://t.co/Z0RXSR7gYM#CricketKiJeet | #PAKvSL | #BackTheBoysInGreen pic.twitter.com/4mlfpRPr6P
— Pakistan Cricket (@TheRealPCB) November 29, 2025
پاکستان کی جانب سے شاہین شاہ آفریدی اور محمد نواز نے 3،3، ابرار احمد نے 2 جب کہ صائم ایوب اور سلمان مرزا نے ایک ایک وکٹ حاصل کی۔
اس سے قبل پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا۔ ٹاس پر کپتان سلمان علی آغا نے کہا کہ اچھی کرکٹ کھیل کر سری لنکا کو ہرا سکتے ہیں۔ پاور پلے میں اچھی بولنگ اور بیٹنگ ضروری ہے۔ امید ہے کہ پنڈی کی پچ پر تقریباً 170 سے 180 رنز بنائے جائیں گے۔ ہم اپنی 100 فیصد صلاحیتوں کو بروئے کار لانے کی کوشش کریں گے۔
اہم میچ کے لیے پاکستان کی پلیئنگ الیون میں ایک تبدیلی کی گئی ہے، فاسٹ بولر وسیم جونیئر کی جگہ شاہین شاہ آفریدی کو ٹیم میں شامل کیا گیا ہے۔
پاکستان کی پلیئنگ الیون
سلمان علی آغا کی قیادت میں صائم ایوب، بابر اعظم، صاحبزادہ فرحان اور عثمان خان ٹیم کا حصہ ہیں۔ فخر زمان، محمد نواز، فہیم اشرف، شاہین شاہ آفریدی، سلمان مرزا اور ابرار احمد بھی پلیئنگ الیون کا حصہ ہیں۔
مزید پڑھیں:سیاست میں ہلچل! عمران خان کی ملاقات میں عدالتی حکمت عملی اور اگلے لائحہ عمل پر نئی سمت متعین
