کراچی ( نیوز ڈیسک )بیرون ملک سے آنیوالے مسافروں کی کورونا اسکریننگ دوبارہ سخت کرنے اور چین سے آنیوالوں کے کووڈ ٹیسٹ کا فیصلہ،محکمہ صحت سندھ کی جانب سے جاری اعلامیے کے مطابق این سی او سی کی ہدایت پر کورونا کے نئے ویرینٹ سے بچاؤ کے لیے اقدامات کا فیصلہ کیا گیا ہے جس کے تحت چین سے آنے والے ہر مسافر کا کووڈ ٹیسٹ کیا جائے گا ،علامات والے مسافر کا پی سی آر ٹیسٹ لازمی کیا جائے گا،اور مثبت کیس آنے پر متاثرہ مسافر کو قرنطینہ میں رکھا جائے گا، علامات والے مسافرکا پی سی آر ٹیسٹ لازمی کیا جائے گا،، عوامی مقامات پر ماسک پہننے کی ہدایت،محکمہ صحت کا کہنا ہےکہ تمام مسافروں کو فائزرکا بوسٹر ڈوز لگایا جائے گا، کسی مسافر کو 6 مہینے کے دوران فائزر ویکسین لگی ہوئی ہے تو اسے ویکسین نہیں لگائی جائے گی جب کہ علامات ہونے اور ٹیسٹ منفی آنے کے باوجود مریض کاچیسٹ ایکسرے بھی ہوگا۔
