اسلام آباد (نیوز ڈیسک) پاکستان تحریکِ انصاف (پی ٹی آئی) کے رہنما ء ذلفی بخاری نے کہا کہ اس دفعہ پہلے سے بھی زیادہ بری ایڈیٹنگ کی گئی،آڈیو کافارنزک کرائیں اخراجات میں اٹھاوں گا،ایسی جعلی آڈیوز کا مقصد صرف خاندانوں کو نقصان پہنچانے کی ناکام کوشش ہے۔جمعرات کو پاکستان تحریکِ انصاف (پی ٹی آئی) کے رہنما ء ذلفی بخاری نے سماجی رابطوں کی ویب سائٹ ٹوئٹر پر اپنے بیان میں کہا کہ جعلی آڈیوز جیسی حرکت کوئی اخلاق سے گرا ہوا شخص یا حکومت ہی کر سکتی ہے،پہلے بھی کہا تھا کہ آڈیو کی فارنزک کے اخراجات میں اٹھانے کو تیار ہوں،یہ آڈیو اس دفعہ پہلے سے بھی زیادہ بری ایڈیٹنگ کی گئی۔انہوں نے کہا کہ ایسی جعلی آڈیوز کا مقصد صرف خاندانوں کو نقصان پہنچانے کی ناکام کوشش ہے۔
