لاہور (نیوزڈیسک) لاہور سمیت پنجاب بھر میں آٹے کا بحران شدت اختیار کرگیا، آٹے بحران کیخلاف مسلم لیگ ن کی ایم پی اے سعدیہ تیمور نے پنجاب اسمبلی میں قرارداد جمع کروادی،قرار داد میں کہا گیا کہ اوپن مارکیٹ میں آٹا دستیاب نہیں، شہریوں کا دو وقت کی رو ٹی میسر نہیں، آٹے کے حصول کیلئے شہری لمبی لائنوں میں کھڑے ہونے پر مجبور ہیں ۔ پنجاب حکومت نے آٹے کی قلت اور قیمت پر قابو پانے کیلئے کوئی اقدام نہیں کیا۔
ایوان آٹا بحران کے خلاف قرار داد منظور کرے۔،قرارداد میں پنجاب حکومت سے مطالبہ کیا گیا ہے کہ آٹے کے بحران اور روز بروز بڑھتی قیمت پر قابو پایا جائے۔
